عجيه قوى يا اخونا حكايه بهلوله فردايه من الشعب
انا مش عارف جابت فردايه دى منين ؟
على العموم
العجب مش فى الكلمه
العجب فى لعب التلات ورقات بتاع بهلوله
بهلوله مراتى وانا عارفها كويس قوى
عارفين هى كتبت البوست ده ليه ؟
علشان تزود المصروف فى رمضان
بهلوله يا ساده ويا سيدات مبدتفعش حاجه
انا اللى بدفع مصاريف المدارس ولوازمها كلها
ممكن واحد يقول لى بهلوله خايفه عليك
وعلى الحمل بتاع المصاريف
اقول
يا اخوانى
انا مش عايز اعمل معاها مشكله واحنا لسه متصالحين من كام يوم
لكن انا عارف هى عايزه ايه
للعلم
بهلوله بتزود المصاريف على العبد لله فى السنه خمس او ست مرات
كل ما تروح تشترى حاجه وتلاقيها غاليه
تقعد تلالى وتغنى على الفقير بهلول وتقول
الدنيا ولعت الحاجه غليت اجيب منين المصروف مش مكفى
وفى اخر البرنامج تزود المصروف بعد ما اقعد اهديها واقولها خلاص يا بهلوله هنعمل ايه حظنا كده
وللعلم
هى مزوده المصروف فى شهر 8 وعايزه تزوده فى رمضان
انصحوها يا اخوانى
وقولولها
رمضان شهر عباده
مش شهر اكل وشرب
Subscribe to:
Post Comments (Atom)
29 comments:
أنا يابهلول ياخويا والله نصحتها
ونبهتها لموضوع فرداية دي اللي هي جمعها مش راضي أقوله
ونبهتها كمان للاقتصاد لحساب مصروفات المدارس وممكن سعادتك بما إنك الحاكم تعمل جولة تفقدية في الأسواق وتجيب عروض أسعار وحتعرف إن كيلو الخيار ب 3 جنيه وإن سعادتك الطماطم ب 3 جنيه وإن أي حاجة فيها دقيق غليت مرة ونص
والزيت وخلافه حتى التمر أقل نوع بعشرة جنيه
وبلاش السيرة دي حتى الكراريس يا محترم غليت حوالي 30 في المائة
عن نهاية العام الماضي ويقولك الاقتصاد بتاعنا
كوي
شفت النكتة دى
احنا هنصدر سكر تصدق
ازغرت يا عالم
مفيش حاجة بروح اجيبها الا ولقيتها غليت
يا محترم رجت للراجل بتاع الفرن اجيب منه عيش فينو لقيتة ادانى عدد اقل من اللى متعود اجيبة بقول له ايه ده قال لى كبرنا الرغيف
قلت له يا عم انا مبرمج نفسى على عدد معين من الارغفة سواء كان كبير ولا صغير
رجعه تانى
لكن هيهات بتتكلم فى ايه يا عم
فعلا الحاجة غليت
بجد يا بهلول الحاجه ولعت الله يكون فى عون بهلوله وعون الشعب
مش انت برضه فرد من الشعب
كل عام وانتم بخير
والله يا بهلولة انا قولت الكلام اللى انت بتقول عليه ده
صيام وليس اكل
عبادة وليس فن
طاعة وليس معصية
قيام وليس سهر
مرحب شهر الصوم مرحب
ربنا يقدم اللي فيه الخير
رمضان شهر جميل كله هيبقى تمام
صباح الفل
يا بهلول ياخويا
شد حيلك وتوكل على الله
الستات برضه كلامهم فيه منطق
عموما بلاش تنكد عهلى بيتك وإحنا داخلين رمضان يعنى تراضيها بكلمتين حلوين وعارفك معلم فى الحاجات دى وبعدين تظبط مشترياتك بحيث توازن الضروريات أولا وخصوصا المدارس على الأبواب
ربنا ينتقم من ال....ولا بلاش عشان مناخدش ذنوب فوق اللى عندى
تحياتى لك وكل عام وأنت بخير
البلوج بتاعك مجننى ياسي\دى لازم يفتح من عند بهلولة غير كدة مش ممكن أبدا
ربنا يخليكوا لبعض
بعد السلام عليكم
معلش يا أستاذ بهلول ربنا يعينك يارب
و كل سنة و أنت طيب
تحياتي
عصفور المدينة
عارف يا عصفور انك صاحب واجب
وعارف انك نصحت بهلوله
وربنا يجعله فى ميزان حسناتك
اما الاسعار
انا عارف انها مولعه
لكن لو بهلوله فضلت تزوذ المصروف كده على طول
هاضطر اعملها توكيل وتروح تقبض المرتب مباشره وانا اكمل الباقى من اهل الخير
الطائر الحزين
اخى الطائر لو هنصدر السكر يبقى ليه غلوه ولا ده لزوم البرستيج بتاع التصدير
اما العيش الفينو ال8 بجنيه
لزوم التقشف
معانا ربنا
عازف الناى
طبعا انا فرد من الشعب
وعارف حاله السوق
وعارف اكثر
واكثر
واكثر
حاله بهلوله
تخاريف دكتور
فين بهلوله تقراء الكلام ده
ولا اكيد قارئته
وعامله ولا هى هنا
علوة
صباح الفل يا علوه
وكله هيبقى تمام
وعبقال منسمع منك الكلام ده وانت متجوز
طال الليل
ما هى دى المشكله
لازم المدونه تفتح من الاتجاه المعاكس
علشان احنا لو تتابع فى اول المدونه كنا عملنها سوا
يلا مبقاش ينفع
بس انا راضى ذمتك
الستات كلهم كلامهم فيه منطق ؟
abo salah
ويعينك يا ابو صلاح
وكل عام وانتم بخير
مش عارفه يا بهلول بس بلاش النية السيئة دى يعني
مش لازم وبعدين يعني هي بهلولة هاتبتزك ببوست ما احنا مش عارفين انتوا مين وبعدين كلنا فاهمين الظروف
لانها واحدة عند كل الناس
والله يا استاذ بهلول انا حاولت اعمل اللي عليه وفعلا نزلت بوست عن المصاريف ف رمضان
ويارب فعلا نقدر نبطل العادة الغربة دي
رمضان شهر صيام مش شهر أكل يا جدعان
وكمان متزعلش بقى من حكاية فرداية دي
ههههههههه
مصطلح حلو على فكرة
:)
واضح
ان بهلولة بتمارس عليك نفس الدور اللي بيلعبه التجار والباعه وغيرهم لما الحكومة تنزل علاوة
يتسرعوا ويسنوا سنانهم علشان ياكلو العلاوة خايف عليك ياعم بهلول تيجي في يوم وتاكلك انت
ونقرأ الخبر في جرائد المعارضة عن الست اللي كلت دراع جوزها
مش للدرجة دي
هي الاسعار غليت مش ذنبها
وانا باتكلم عن اسعار الضرورات
مش المكملات
بس انت برضوا
ممكن باسلوبك الطيب
وبهدوء كدا
توصلوا لحل وسط
وتقدر تخفض
الزيادة المطلوبة
ربنا يهدي سركم
سيبك انت من ده كله والله انتو ال2 دمكم خفيف ودويتو هايل وجميل ربنا يخليكم لبعض
بلوجين حلوين أوى
وربنا يخليكم لبعض يارب والفضفضه حلوه برضه أحسن حد منكم يجراله حاجه
بس والله الستات غلابه بيضحك عليهم بسرعه
بس فى حته المصاريف دى الله يكون فى عونكم ياااااااارب
وربنا يستر بشرتونى بالجواز
تحياتى بحياة سعيده
الكلام ده كبير أوعى يكون الأخير أحسن هتتعب كتيييييييييييييييير
الله يكون فى العون
وفعلا حياة تجيب الهبل
تحياتى
ftataljanna
انا متشكر قوى على كلامك الجميل ده
لكن الحكايه مش ابتزاز
خلينا نقول انتهاز للفرص من جانب بهلوله
آلام وآمال
ياريت بس الناس تسمع وتعمل بكده
اما عن مصطلح فردايه
الله يجازى بهلوله
فضحانا فى عموم النت
حسن ارابيسك
لو جت على الدراع سهله
انا خايف من الشنط البلاستيك
وانت عارف
دول ايديهم طايله
وخصوصا
بهلوله
ما علينا
الا تخفيض الزياده المطلوبه
كل ما احاول معاها
تقولى انا دارسه السوق اكتر منك
وانت مش عارف حاجه فى الاسعار
وكل شويه انا دارسه السوق انا دارسه السوق
لغايه لما افتكرت انها ماده كانت بتدرسها فى المدرسه
bocycat
اسلوبك انتى الاجمل
شكرا جزيلا لكى
وربنا يسعدك
حياه الأحلام
لا الجواز شىء عظيم
لكن بهلوله
-
-
-
خليها فى سرك احسن اروح فى خبر كان
مهبول ومهبوله
انت كمان متجوز مهبوله ولا ايه
اما اروح مدونتك واشوف حكايتك
السلام عليكم
كل سنه والكل بخير ورمضان كريم وربنا يتقبل منا ومنكم صالح الأعمال ويارب الى الله أقرب
تحياتى
Post a Comment