الاخوه المدونين
انشاء الله سوف اكمل لكم حكايه بهلوله مع الدجالين
انا يا اخوانى كنت تعبان جدا وعاوز انام ..اول ما بهلوله دخلت البلاكونه وقفلت عليها وانا مش عارف هى بتعمل ايه جوه نمت على كنبه الصالون ورحت فى النوم
وانا نايم حلمت ان فى ناس بتنجد لعروسه والمنجد عماله يضرب القطن ..واتاريه كان خبط بهلوله على الباب
المهم صحيت زى عادتى الساعه سابعه بالظبط
لقيت نفسى نايم قدام البلاكونه افتكرت بهلوله
قلت الدنيا اتهدت النهارده
بصيت عليها من شيش البلاكونه لقيتها قاعده فى الارض وعينيها بطق شرار وماسكه فى ايدها المشابك بتاعه الغسيل ومكسره منها كتير وعينيها زايغه يمين وشمال
قعدت على الكنبه
افتح
ولا لا
افتح
ولالا
المهم يا ساده قريت الفاتحه والمعوذتين وفتحت الباب
لقيت الضباب حل على البلاكونه من كل اتجاه
قامت بهلوله من على الارض زى ما يكون عصر الديناصورات رجع تانى
قامت ساكته ودخلت الصالون ومشيت فى اتجاه الباب
وفجاءه اتحولت ناحيتى وغرست ضوافيرها فى وشى وراسى وصدرى وهاتك يا عض
وانا كنت منتظر منها الخيانه دى عملت حسابى وكنت كاسر بصله وهى بتموت من ريحه البصل وقربتها من مناخيرها قامت جريه على الحمام ورجعت
نبذه صغيره عن بهلوله
صدقونى يا اخوانى
بهلوله قويه جدا تقارب قوتى
وجسمها بنيانه قوى جدا بدرجه تفوق قوه بنيانى او قوه بنيان اى رجل عادى القوه
واذا حدثت مشادات بيننا وكانت مشاده قويه غالبا ما تنتهى نهايه دمويه الا حد ما
طبعا كثيرون سيقولون فين الرجوله فين مش عارف ايه ؟؟؟؟
ارد عليهم واقولهم
ربنا يرزقكم بزوجه فى قوه بهلوله
وعلى فكره انا وبهلوله قرايب وابوها قبل وفاته وصانى عليها وكان قبل الزواج
بس مش عارف ليه ماوصهاش عليا ؟؟
المهم
بعد نهايه المعركه بتفوقى بفضل البصل جات بهلوله من الحمام وماسه بطنها من الالم
وقالت لى
اسمع يابهلول من بكره هتعمل اللى اقولك عليه انا دافعه فى الحاجات دى اكتر من 400 جنيه علشان خاطرى وخاطرك
قلت لها موافق بس بشرط تحكيلى على كل حاجه
قالت لى موافقه وحكت لى على الحكايه كلها
وعلشان التطويل سوف احكى لكم كل حاجه البوست القادم بأذن الله
18 comments:
بهلول اعقل احسن لك
قول واكتب براحتك انا ميهمنيش بس بلاش توصف فيا وصف غلط
انت كده بتصورنى زى ماكون فى هيئه الرجاله فى الجسم والعضلات
لا كله الا كده
يا رجل يا محترم
ده حتى وصف الراجل لمراته حرام شرعا
ولا انت لسه ما عديتش على مصر
بس يا بهلول
الاوده الفاضيه بتاعه الخروف اللى كان عليه مشكله لقيت لك ليها فكره تكسب دهب
تعملها ساحه مصارعه حره متنوعه رجالى وحريمى وتتخانق فيها مع بهلوله فى وجود حكام اجانب وتذيع المباراه على الهوا او مسجله وهتكسب من الفضائيات مكاسب رز
مش انا عرفت مين فيكم اللي بيطبخ؟
اكيد هتروح للدجالين علشان يرجعوا لها المشابك اللى انكسرت
طبعا يا بهلولة حرام يوصفك بالشكل ده
لكن لو كان قال هيفاء شقراء واى حاجة بتنتهى بالأء كان يبقى جميل
مش كدة ولا ايه
ممكن تحى له الحكاية ومتروحوش فى حتة
تحياتى
يا جماعه وحدو الله مش كده ابدااا
ربنا يخليكى ليا يا ام العربى
ألعبوا مع بعض
مستني الحلقة التانية
ده المتش سخن قوي
انت ليه فاحت البلكونة اصلاً
انت كنت تستني اما تنام وتقوم حطلها الاكل وقافل تاني
ياه قد ايه زعلت جدا وانا بقرأ الكلام دا
مافيش مشاكل بتتحل علني كدا ، دا كدا بيأزم الامور اكتر
وبعدين بهلولة عرفت انها غلطانة وندمت على موضوع الدجل دا .. يبقى بلاش فضايح ..ومش لازم تكمل واستر عليها وربنا هيستر عليك يوم القيامة
بجد
وربنا يارب يكرمكم
تحياتي
ياساتر
رامراه في قوه رجل
اكيد اكيد دي من محاربين السومو
او من بطلات كمال الاجسام
ربنا يجعل كلامنا خفيف عليها
انت برضه سايسها ما هو العمر مش بعزقه
تحياتى
بهلوله
لا عديت وانا مجهز لك مفاجاه
عازف الناى
لا والله
اشكرك يا عازف الناى
مانا عارف انك من فريق بهلوله
عصفور المدينة
الا الطبيخ يا استاذ
هى اللى بتطبخ طبعا
الطائر الحزين
اشمعنا الاء
وانت كده بترد على بهلوله
احب اعرفك بنفسى انا بهلول
سكتم بكتم
فى مفاجاءه المره الجايه
mohamed
عشره على عشره
كلامك جميل
بس لو كنت عملت كده
والشمس سخنت على دماغها
كانت بهدلت العماره كلها
نـــــــور
ليكى عندى مفاجاءه
الكلام نوعان :كلام فارغ وكلام مليان كلام فارغ
انا طول فتره جوازنا وانا مسايسها على الاخر
ضد الظلم
ربنا يخلى لك ام العربى ويطرح فيها البركه كمان وكمان
Post a Comment