حد يصدق اللى هى بتقوله ده انا برضه هاخد حله وامشى بيها فى الشارع صدقونى الست دى هى اللى لسعت مش انا
موضوع الحله ده كان السنه اللى فاتت بعد ماتش النهائى بتاع كاس افريقيا وانا كانت جانبى صنيه الشاى جريت على بره ونسيتها فى ايدى ولما نزلت من العماره كسلت اطلع تانى علشان اطلع الصنيه حططها جنب البواب الظاهر نسيها وضاعت بعد ماروحت وكانت هدومى سليمه وفردتين الجزمه موجودين قالتلى فين الحله قلتلها حله ايه نامى قامت نايمه على طول للصبح ومدتهاش ولا قرش صاغ من تمن الصنيه هى فاكره نفسها مين دحنا رجاله قوى
وامبارح انا فعلا خدت الستاره الحمراء وقعدت تتحايل عليا والنبى يا بهلول سيبها
بصتلها بصه واحده قامت قفله بقها على طول
7 comments:
لا باين عليك واد شديد ياريت يطلع كلامى صحيح
واد شديد ايه يا عازف الناى خليك حلو اممال
انت هاتقويه عالبنيه الغلبانه دى مش فاضية حتى ترد عالتعليقات اللى عندها مش مخليها تعرف تبص جانبها مش يساعدها فى شغل البيت
طيب حتى سيبها تشوف مدوناتها
عالعموم
بعد الهزار ده بس احب اوصيكوا خير بانفسكم واقول لكم كمان ان بيتكوا ده امانه وان زواجكم ده مصنع للرجال واماء الله الصالحات
يعني خليكوا فى خدمة الله
وافتكر يا اخ بهلول
قول رسول الله صلى الله عليه وسلم رفقا بالقوارير
والست بهلولة دى كمان حضرتك اخدتها من بيت ابيها كريمة فاكرمها
وعلى فكرة
فكرة المدونتين دول حلوة اوى وهاتعمل لكم تجديد في حياتكم وحاجة تتكلموا عنها
وربنا يبارك فيكوا يارب
ومشكور ياسيدي على انك تسيب زوجتك اللى زى العسل دي تخرج مواهبها
اه على فكرة ان بنت حتى اسمي فاة الجنة لا تفتكرنى بعاكس ولا حاجة
جزاكم الله خيرا
بهلووووول
أسمح لي اقولك ابو الرجاله واسمح لي اهديك اغنية
رجاله وطول عمرك والله يابلدنا يارجاله
بصراحة الواحد مش عارف يصدق مين فيكم
نا خايف بس تكون انت لما نزلت بسرعة تشارك فرحة المشجعين الفرحة نستك الحلة اللي كانت ساعتها قدامك وانت بتاكل منها فمن فرحتك خدتها ونزلت على طول وتكون قامت خناقة جاده في الشارع وجتلك ضربة كدة ضربة كده من واحد تاني هو كمان نزل ومعاه كبشة ولا مغرفة كان بياكل بيها ساعتها والفرحه نسته هو كمان فنزل بيها
المهم إنك غرمت ودفعتك الطاق طاقين
على حد كلام بهلولة المهم ان النفوس صفيت ومحدش راح القسم
مبروك المدونة
عازف الناى
انا بهلول
ربنا يبارك فيك يا عازف
وشكرا على التواجد
فتاه الجنه
انا بهلول
احلف لك بالله انى بعمل شغلها
اتمنى ان توصيها عليا واشكرك على الزياره
حسن ارابيسك
انا بهلول
صدقنى الكلام الموجود فى البوست هو اللى حصل وصدقنى انا سعدت بزيارتك
جدا جدا
وصيتها عليك ياللا ولا تزعل نفسك
وانا ليا اعز منكوا يا سلام
Post a Comment