السلام عليكم ورحمه الله وبركاته
الساده والسيدات الكرام
عز الله قدركم
بهلوله
او
مرهفه الحس بهلوله
بتتكلم عن المشاعر والاحاسيس والغزل
وبما انها سيده متزوجه فمن حقها ان تتكلم عن المشاعر
وبما انها انسانه فمن حقها ان تتكلم عن المشاعر
لكن الشىء المهم
ان فاقد الشىء لا يعطيه
كيف نطالب الرجال بالحب والمشاعر وهم لا يجدونها
انها كما قالت مشكله عامه
وانا معها فى ذلك
انها مشكله الرجال ايضا
فالرجل يدخل البيت ويلقى السلام ويجد الست تتمتم بشفتيها لايعرف ماذا قالت
هل ردت السلام ام توعدته بمعركه قادمه او عددت صفاته القبيحه
وبعد ذلك يأحذ الرجل حمامه ويغير ملابسه ويجلس الى الطعام ..ومازالت سيادتها تكشر عن انيابها
يجلس الرجل ويقوم بتناول طعامه وهو يفكر ماذا حدث ؟
والرجل الذكى حسب التجربه البهلوليه لا يبدء بالسؤال عما حدث لانه سيجد وابل من الاشياء التى ليس لها قيمه
مثل
الجيران نشروا الغسيل على غسيلنا وهات يا كلام عن الجيران
او البواب طنشنى وراح جاب طلبات فلانه قبلى وياخذ البواب نصيبه من الكلام المعسول
او بتاع الانابيب باع لى الانبوبه بكذا وسعرها كذا ويقف بتاع الانابيب فى الصف ياخذ نصيبه
او الجو حر وكاتمه والشفاط فى المطبخ بايظ وده دورى انا فى الكلام المعسول
او بتوع المغسله منضفوش السجاد بضمير او او او او حاجات كتير
انا من واقع التجربه اسيبها وااكل وبعد كده ادخل اريح شويه
اقوم من النوم
بس يا واد
بس يا بت
جننتونى
وصراخ
وعويل
اقوم داخل تانى الاوده واطلع شويه اوراق وعامل نفسى بشتغل علشان محدش يدخل عندى
او
البس هدومى واهيم فى شوارع المحروسه
وبعد كده
تقولى مشاعر
وقال ايه
شويه نسوان شبه بعض واكيد كل تصرفاتهم زى بعض
وتقولى بيحكوا بحرقه
يمكن حرقه من الفلفل الحراق اللى عمالين ياكلوه
نصيحه
الى احمد ابراهيم القاطن بدير النحاس
قصدى
الى كل النساء
عاملوا الرجاله زى ما عايزين يعاملوكم وانشاء الله تلاقوا نتيجه
Subscribe to:
Post Comments (Atom)
30 comments:
طيب يا خويا انت بتلحق تغير وتأخذ حمام قبل ما ينهال عليك سيل الكلام عن الاحداث اليومية فى غيرك مبيلحقوش اصلا
اسمع كلامك اصدقك اشوف امورك استعجب
الكلام ده لاختنا بهلوله
اه نسيت اخونا بهلول
هما الستات كده
شفت فيلم الستات مبيعرفوش يكدبوا
يا عالم بلاش حوارات الرعب دى أنا بفكر أتجوز بعد ما كنت شايل الفكرة من راسى
يا سيدى خليها علينا مش رجالة يبقى نتحمل شوية زيادة
وبعدين واحد صاحبى حكيم جدا قالى متفكرش إن ردود أفعال الستات دى حقيقية وبعدين سلاح الطناش مش جايب همه والمعركة بتزيد كدة
متهيأل شوية كلام ناعم من بتاع الخطوبة اللى بتطالب بيه الستات زى ما قريت عند بهلولة ممكن يهدوا اللعب شوية
شكلى هطنش فكرة الجواز تانى عشان أنا أصلا مش بطيق النكد ومش بعرف أقول كلام رومانسى كله كدا زى اللى جوة من غير زواق
ربنا يسترها معاكو ويخليكوا لبعض
ازيك يا استاذ بهلول
واحشني والله
ربنا يجمعنا ف الجنة كده
انا بحبكم ف الله
:)
كل عام وأنتم بخير
كــل رمضان وحضرتك بخير وربنا يبغلك رمضـان
ويجعلك نافع للامة ياااااااااارب آمــــــــــين
ويبغلك رمضــان ياااااااااارب آمــــــــــين
كل عام وانتم بخير
انت عندك حق بس فيه حاجه بقى ان الراجل هوه دايما المتحكم واللى اعصابه ثايره بصفه مستمره
يعنى العيب مش من الستات
احسن توجه رساله للرجاله
لان استحاله الست تلاقي راجل كله مشاعر واحاسيس وهيه تقابله بعجرفه
رمضان كرييييييييييم
الطائر الحزين
هو فى حد متبهلل اكتر منى
طيب اللى يشوف بلاوى الناس تهون عليه بلوته
عازف الناى
عدى كلام بهلوله
عازف الناى
صح كلامك
الستات فعلا مبعرفوش يكدبوا خالص
طال الليل
لايارجل تطنش الجواز ازاى ؟
اتكل على الله
هو كل البنات بهلوله
لكن طول الخطوبه شويه
وسجل كلامكم وخصوصا كلامها الرقيق
وخد صور كتير
للذكرى الخالده
علشان تفتكر ده ايام القحط
قصدى ايام الزواج
آلام وآمال
وانا والله بحبك فى الله
وربنا يوفقك
عصفور المدينة
كل عام وحضرتك بخير
ونفع الله بك الامه الاسلاميه
أمــانــى
كل عام وانتى بخير وسعاده
واعاده الله عليكى باليمن والبركات
عازف الناى
كل عام وعازف الناى والمسلمين اجمعين بخير
الكلام نوعان :كلام فارغ وكلام مليان كلام فارغ
مش بعجرفه
لا
زى ما قلتلك
نكد وخناقات
و
و
وربنا يهدى
وكل عام وانتم بخير
بهلول
كل سنة وانت طيب
وياترى بهلولة جابتلك فانوس رمضان
عشان اواصر المحبة تزيد بينكم يارب
واتمنى ما نشوفش منها بوست بتشتكي فيه منك من فرقعة البمب جوه الشقه
المهم بخصوص البوست
المشكلة ان حتى اللحظات الحلوة تلاقي الستات مابيعرفوش يكملوها للأخر
يعن بعد شوية رومانسية على طول خبط لزق تلاقي الطلبات والأسئلة نزلت عليك زي المطر
لحد ما تبقى
رجل المطر
كل سنة وحضرتك طيب
والى طاعة الرحمن اقرب
ربنا يتقبل صيامك وقيامك
وصالح اعمالك
ومتهيألي
لو راضيتها بكلمة حلوة
مش كتير عليها ومش مشقة عليك
بدل ما انت
منسحب كدا من كل شيء
انت بقى اللي بتجيبه لنفسك
مش عارف تكسبها
كل سنة وحضرتك وبهلولة طيبين
استاذ بهلول انا بصراحة قمت بالواجب في تعليقي عند مدام بهلولة
بس بردو بيني وبينك حضرتك لازم تظبط المواضيع كده بكلمة حنينة مهما كنت مدايق او زعلان ومهما كانت هي شايلة هموم الدنيا وبتشيلهالك
مش مشكلة حاول تخليك هادي وغير جو القعدة وكده
انا اعرف ان الستات بييجو بالكلام المعسول
طبعا انا مجربتش بس بسمع يعني
حاول كده وربنا يكرم
:D
وكل سنة وانتو طيبين وسلامي لكل الاولاد
آه ربنا معاك يا أستاذ بهلول وفعلا البيوت يا ما فيها ودي كمان آه مني للمشاركه.
تحياتي
حسن ارابيسك
كل سنه وانت طيب يا حسن
يا راجل فرقعه بمب
برضه بتصدق كلام بهلوله
زمان وانا صغير فى السبعينات كنت فعلا بفرقع بمب
لكن دلوقتى انا اللى بفرقع من عمايل بهلوله
ما علينا
صدقينى انا مش منسحب من اى شىء
بس بهلوله بتحب تضخم المواضيع
وعلى راى المثل تعمل من الحبه قبه
كل سنه وانتى بخير
آلام وآمال
كلمه حلوه
عارف يا اخى العزيز انا نسيت ان بهلوله ليها ودان
مش عايزه تسمع اى حاجه طلبتها هى وبس
يلا
كله برزقه
Yahia
و50 منى كمان
الاهات بتنفس عن المكبوت جوه الانسان
سنصر دينك يا أستاذ نفيسة ... قدي بهلول
والله الكلام بتاعك صح جدا ...مع إني مش متجوز
بس مافيش حد بيقابل الحلو بالوحش .. والبداية الطبيعي تكون من الست
وفي موروثنا الاسلامي ... كان فيه راجل له ولدين ... مات أحدهم في غيابه ..فلما عاد من السفر ..استقبلته زوجه باسمة ..وتجملت له .. وأتاها .. وفي الصباح قالت له .. لو أعطانا أحد أمانة .. ثم أخذها .. أتحزن .. فقال لا .. فقالت لقد أخذ الله أمانته فلما علم الرجل حزن وخطأ زوجته .. وقص ذلك على رسول الله فقال له نعم الزوج زوجك
آسف لأنني لا أحفظ النص الأصلي .. ولكني حكيت القصة ...
فلتتعلم المرأة أن تجعل الرجل أميرا ... وسيجعلها ملكة متوجتة على عرش قلبه وحياته
بوست جميل
كل سنة وانت طيب
د- حندولة
ينصر دينك يا دكتور حندوووووووووله
قصتك سليمه
وزيارتك شرف كبير لى
شكرا على المشاركه
TOP PORTUGUESE UNIVERSAL WRITER: CRISTOVAO DE AGUIAR.
He has, also, translated into Portuguese the Wealth of Mations by Adam Smith.
He has been awarded several prizes.
Don't forget the name of this great author, you'll be hearing of him soon.
Thank you for spending time in Universal Culture.
Please don’t erase this coment from your blog.
Thanks for visiting
Post a Comment